منتديات ساهر الليل
مرحباً بك زائرنا الكريم في منتديات ساهر الليل
اذا كانت هذه زيارتك الاولى فنتمنى ان تنضم لأسرتنا المتواضعة اما اذا كنت عضواً لدينا
يرجى تسجيل دخولك


مرحبا يا (زائر) .. عدد مساهماتك 0
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخولتسجيل الدخول
ادارة منتديات ساهر الليل تهنيء الاعضاء بحلول شهر رمضان المبارك
شارك معنا في منتديات ساهر الليل واظهر ابداعاتك

شاطر | 
 

 تطور الشاورما

اذهب الى الأسفل 
كاتب الموضوعرسالة
Admin
Admin
Admin
avatar

مشغول بالي
عدد المساهمات : 162
نقاط : 469
التقييم : 0
تاريخ التسجيل : 07/04/2011

مُساهمةموضوع: تطور الشاورما   الإثنين مايو 30, 2011 2:38 pm

سلامو عليكم

هاظا يا جماعة الخير وبالصلاتو على النبي

اللهم صلي على أشرف الخلق سيدنا محمد.

الشاورما أول ما بدت كانت تقتصر على شكل واحد فقط.

ألا وهو الشاورما اللف

يعني وببساطه شو كانت حبة الشاورما

خبزة زي خبز جواد الصغير
لحسة مايوووونيييييززز

فتلة مخللة خيار منقوعه بشيد

و10 غرام ونيف من الشاورما سواء لحمة أو جاج.

مع التطور السكاني والعمراني

ولما صارت قطعة الأرض ايلي بالرويشيد تجيب اشي وشويات

ولما صار خلف وعواد ومفلح يبعيو أراظيهم ليشتركو بخدمة أغنيلك وحظك ع تلفونك ومسابقة الكنز

صار في انتعاش اقتصادي بالبلد

وهالأنتعاش رافقو ظهور صنف جديد من الشاورما
ألا وهو وجبات الشاورما

رأت فكرة وجبات الشاورما النور بعد جلسة عائلية ما بين أبو العبد ومرتو

اقترح من خلالها أبو العبد انو يبيع ماكنة الخياطة السنــgــر ايلي كانت ملك لأم العبد ويعمل مشروع وجبات الشاورما بهالمصاري ايلي بطلعو منها.

أم العبد بالبداية ما وافقت . بس أبو العبد استغل لحظة الدفا ايلي عملتها كاسة الشاي.

وسأل أم العبد : الولاد ناموووووو؟؟؟؟

أم العبد:

أبو العبد : النهارده الخمييييييييييييييييييييييييييييييييييس .....

تاني يوم كان أبو العبد نازل السوق وبايع الماكينه . وشكلز حالو باسبوع زمن وأنهى كل شي بخص مشرووع الوجبات وعلى سنــgــة عشرة.

وعلى فكرة من جبري

أبو العبد هاظ صاحب فكرة ساندوش الفعفوووط والصارووخ والديناميت والغراد والكاتيوشا. يعني بنقدر نعتبرو رائد السفرة الدايمة.

لاقت الفكرة في بداية الأمر الأعتراض الكبير

خصوصا من مناصري مطاعم الفلافل العادي والمحشي

ومناصري الشوارما اللف

لكن سرعان ما لاقت وجبات الشاورما الطلب الكبييير من قبل الشعب


يعني بالله عليكو

بتفتح هالوجبة بتلاقي كيس للملح

وكيس للفلفل الأسمر

وكيس للكشتب

وكيس للمايونيز

وكيس فيو معلئة وشوكة .

والبطاطا متناثرة ع أبو جنب وطرف.

وما ننسى حبة الزتووووون . ( الخرزه السودا عشان العين)

ايه عليم الله بحس حالي أمير ويلز وأنا باكل .

هيك كل شي مرتب وميه ميه. صراحة اشي أخنقي.

تطورت الأزمان ودخلنا مرحلة مش أكلك يا زلمة .... أكل عشرة

وصار الواحد فينا ما تكفيه وجبة وحده

وصار يطلب وجبتين ومرات يشكل مره لحمه ومره جاج..

التفت أصحاب مطاعم الشاورما لهاي المعضلة

فاقترحو انو يصير في تحسين وتعديل على وجبة الشاورما العادية

وانو هاد التحسين يطلق عليه اسم وجبة شاورما سوبر.

هون مربط الفرس

هون موضووعنا عن التميز .

وزي ما بعملو بالروايات اشي اسمو فلاش باك

وبتقعد أنصاف تتزكر أمها أيام ما كانت تخبي علبة البيتي فوور بحجة انو هاي مش للأكل هاي للضيوف

وتتزكر العزاب ايلي كانت تمر فيه لحتى تلاقي أنصاف علبة البيتي فووور.

لأ احنا راح نعمل كفزة أمامية للاحدااااث

ونشووف انو الموضووع ما وقف عند وجبة شاورما سوبر

بالعكس .. أبسوول يوتلي

فقد ظهرت وجبة الشاورما الدَبل وفي روايات أخرى ( الدٌبٌلل)

وتبعها وجبة الشاوما سوبر السوبر.

هاي بيجي الها كراج مستقل بالإضافه لتدفئه مركزية.

وللآن يستمر التميز في عالم الشاورما

فقد نشاهد قريبا وجبة شاورما تريبل

أو دبل الدبل
أو سوبر الدبل
أو سوبر دبل الدبل
أو سوبر التربل
أو
أو.........


وللحديث بقية
ان شا الله ...

_________________
اصبر يا قلبي وانتظر خلي الحزن مكتوم
كل المعاني تغيرت واتضحت الصورة
صار الصدق في هالزمن مثل الوفا معدوم
ونفوسنا تجرحت والفرحة مكسورة
الرجوع الى أعلى الصفحة اذهب الى الأسفل
http://saheral-lail.ahlamuntada.com
 
تطور الشاورما
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ساهر الليل :: الاقسام الترفيهية :: منتدى النكت والتسية-
انتقل الى: